#قناة_بداية
#زد_رصيدك
السلام عليكم
اكيد الكثير منكم شاف الليله البارحه المشادات الكلامية والاكشن اللي صارت بين المتسابق راجح الحارثي و المدعو ابوكاتم
طبعا اختلفت وجهات النظر ناس مع راجح وناس مع ابو كاتم
من وجهة نظري الخاصه /
ما ننكر ان راجح اخطأ وخالف القوانين في اتصاله بالجوال فقط
لكنه ابدا ما اخطأ في رده على ابوكاتم ولا حتى في تسكير الباب بقوه
لأن ابو كاتم هذا ما له اي حق ابدا في اللي سواه لراجح
ينفخ عليه باعلى صوته ويهز العصا في وجهه ويتلفظ عليه
ولا كأن لراجح اي كرامه
وامام الناس كلهم وأولهم عياله اللي يشوفونه ينهان قدام العالم وعلى شي ما يستحق ابدا انه ينهان كل هذي الاهانه بسببه
راجح رجل من الرجال ومن عيال الحمايل وشنبه ولحيته تملا وجهه وله كرامة وعزة نفس
وكلامي ينطبق عليه وعلى كل المتسابقين
بأي حق يجيبون واحد متغطرس متعجرف يفتقد لأبسط ابجديات ادب الحوار
ويخلونه على قولتهم (مشرف) قرية زد رصيدك
هذا مشرف !!!!
هذا المفروض يسمى سجّان القرية
لمن يتابع البرنامج منكم وشاف اللي صار البارحه
ايش رايك في اللي حصل ؟؟؟؟؟؟