ع فكره أنا مش متخلف ولا أنا أهبل زي ما أنتو بتسموني ولا أنا عبيط فعشان كده بتستخفو بيا وكمان مش لازم تخلو أولادكم يضحكو عليا كل ما بيشوفوني ولا يتريقو ع طريقه كلامي
ومش لازم تحسسوهم إني هقتلهم لو شفتهم أصل الحكايه أبسط من كده بكتير! كل الحكايه إن ربنا ميزني عنكم وعندي كروموسوم زياده ! وعلشان ربنا خلق كل شئ بمقدار معين .. و يختل الشئ إذا زاد أو نقص هذا القدر ! فزياده الكروموسوم دي عملتلي خلل ف حاجات كتير الحمدلله يعني غيرت شكلي اللي إنتو بتستغربوه خلت عندي مرض ف القلب من صغري .. خلت فمي صغير ومش بقدر أحافظ ع لساني بداخله طول الوقت عملتلي مشاكل وأمراض كتير ف الجهاز الهضمي وف أماكن تانيه خلتني أكتر عرضه للأمراض عشان مناعتي ضعيفه ! خلتني أقل منكم ذكاء .. بس أنا الحمدلله بفهم حاجات كتير زيكم بس مش بنفس الدرجه خلت عندي صعوبه ف الكلام ومخارج الحروف فمش لازم تضحكو عليا لما أتكلم شوفتو بقي كووول الحاجات دي عشان كروموسوم بس زياده يعني أنا مش مختلف أوي أو كائن من كوكب تاني دخيل عليكم أنا ليا حق ف الحياه زيي زيكم و مكنش إختيار إني أكون دوان ورساله مني ليكم .. رفقا بيا ومتجرحونيش بنظراتكم ..ولا تجرحو أمي بكلامكم يعني من الأخر:
علي فكرة أنا مش أهبل2016-07-20, 3:17 am